شارەوانی نیویۆرک بڕیارێکی نوێی دا بە مەبەستی سنووردارکردنی بەکارهێنانی ژیریی دەستکرد لە قوتابخانە حکومییەکاندا.
ئەم بڕیارە نزیکەی 600 هەزار قوتابی دەگرێتەوە و بە یەکێک لە هەنگاوە دیارەکان دادەنرێت لە ویلایەتە یەکگرتووەکانی ئەمریکا.
بڕیارەکە قوتابیانی ئامادەیی بە تەواوی ناگرێتەوە و دەتوانن لە هەندێک حاڵەتدا بەکاریبهێنن.
هەروەها مامۆستایان بەردەوام دەبن لە بەکارهێنانی ئەم تەکنەلۆژیایە بۆ ئامادەکردنی وانەکان و ڕێکخستنی خشتەکان.
زەهران مەمدانی، والی نیویۆرک لە کۆنگرەیەکی ڕۆژنامەوانیدا رایگەیاند، قوتابخانەکان بەکارهێنانی 40 ئامرازی فێرکاری ڕادەگرن. لەو بڕوایەدام منداڵان پێویستیان بە پەیوەندی ڕاستەوخۆی مرۆیی هەیە لەگەڵ مامۆستایان بۆ ئەوەی فێرببن. ئامانج لەم بڕیارە بەرەنگاربوونەوەی ئالنگاری نوێیە لە پرۆسەی پەروەردەدا.