چەوەندەر جگە لەوەی بە ڤیتامین B، ئاسن، مەنگەنیز، مس، مەگنیسیۆم و پۆتاسیۆم دەوڵەمەندە، كاتێک دەیخۆیت چەندین كاری ئەرێنی لە جەستەتدا ئەنجامدەدات.
ماڵپەڕی “الیوم السابع” لە بابەتێکیدا ئاماژەی بە سوودە گرنگەکانی خواردنی چەوەندەر کردووە بۆ تەندروستی، بریتین لە:
١.فشاری خوێن رێكدەخات:چەوەندەر بە ماددەی نیترات دەوڵەمەندە، كە جەستە دەیگۆڕێت بۆ ئۆكسیدی نیترات و دەبێتە هۆی خاوكردنەوەی بۆرییەكانی خوێن و فراوانكردنیان، ئەوەش سوڕی خوێن رێكدەخات و فشاری خوێن دادەبەزێنێت.
٢. دڵ تەندروست دەكات: ماددەی بێتاین و ترشی فۆلیک كە لە چەوەندەردا هەن، دەبنە هۆی كەمكردنەوەی هۆمۆسیستین لە خوێندا، ئەگەری زیانگەیشتن بە دڵ و بۆرییەكانی خوێن كەمدەكاتەوە.
٣.كاری مێشک باشتردەكات: خاوكردنەوە و فراوانكردنی بۆرییەكانی خوێنی مێشک لەلایەن ترشی نیتراتی نێو چەوەندەر، وادەكات خۆراک و ئۆكسجینی زیاتر بگەنە مێشک و ئەوەش كارایی مێشک زیاتردەكات، ئەمە بۆ كەسانی بەتەمەن زۆر گرنگە، چونكە لەگەڵ چوونە تەمەن، ترشی نیترات لە جەستەدا كەمدەكات.
٤.بەرگری جەستە زیاد دەکات: چەوەندەر بە ماددەی بێتالاین دەوڵەمەندە كە دژە ئۆكسێن و دژە هەوكردنێكی بەهێزە و لە دژی ماددە زیانبەخشە تووشكەرەكان بە نەخۆشی درێژخایەنی هاوشێوەی نەخۆشییەكانی دڵ، قەڵەوی و شێرپەنجە دەجەنگێت.
٥.لە قەبزی و مایەسیری بەدوورت دەخات: یەكێک لە رێگەكانی دووربوون لە قەبزی، زۆر خواردنی ریشاڵە خۆراكییەكانە، دەبنە هۆی كەمكردنەوەی ئەگەری تووشبوون بە مایەسیری و كیسكردنی ریخۆڵەكان.