سوپای لوبنان رایگەیاند، هاووڵاتییەکی سووریا بە چەکی سووک هێرشی کردووەتە سەر باڵیۆزخانەی ئەمەریکا لە لوبنان و هێزە ئەمنییەکان توانیویانە ئەو کەسە بە برینداری دەستگیر بکەن.
ئاماژەی بەوەشدا، دوای هێرشەکە پێنج گومانلێکراویان لە ناوچەی بیقاع دەستگیرکردووە و سێ کەس لەو گومانلێکراوانە کەسوکاری هێرشبەرەکەن.
باڵیۆزخانەی ئەمەریکا لە لوبنان ئاشکرای کرد، تیم و پاسەوانەکانی باڵیۆزخانەکە سەلامەتن و هیچ زیانێک بە باڵەخانەکەیان نەگەیشتووە.