وەزیری پێشووتری کاروباری دەرەوەی ئێران دەڵێت، خەڵکی ئێران لە هەڵبژاردنی پێشوەختەی سەرۆکایەتیی کۆماری ئەو وڵاتەدا نیشانی دەدەن شەڕ و گوشاری نێودەوڵەتییان ناوێت.
محەمەدجەواد زەریف بە ماڵپەڕی بەغدادئەلیەومی گوتووە، دڵنیام لە دەنگدانی ڕۆژی ٢٨ی حوزەیراندا خەڵکی ئێران دەنگ بەو کەسانە نادەن کە شەڕخوازن و دەیانەوێت سزا و گوشاری زیاتر بخرێتە سەر کۆمەڵگەی ئێران.
وەزیری پێشووتری کاروباری دەرەوەی ئێران دەشڵێت، هەڵبژاردنی پێشوەختەی سەرۆکایەتیی کۆمار کارتی بەرەنگاربوونەوەی خەڵکی ئێرانە دژی گوشارە کۆمەڵایەتییەکان و بە هەڵبژاردنی مەسعوود پزیشکیان، کاندیدی ڕیفۆرمخواز، ئەو بابەتە بۆ هەمووان ڕوون دەبێتەوە.
