ڕۆژی چوار شەممە ٢٠٢٤/٧/١٧، بەڕێز ئاوات شێخ جەناب وەزیری دارایی و ئابوری پێشوازی کرد لە شاندێکی هاوبەشی دیوانی چاودێری دارایی عێراق و هەرێمی کوردستان.
لەدیدارێکدا گفتوگۆ کرا لەسەر کارەکانی تیمی هاوبەشی هەردوو دیوانی چاودێری دارایی لە وەزارەت و دام و دەزگاکانی هەرێمی کوردستان لەماوەی ڕابردودا، وەزیری دارایی پشتیوانی وەزارەت و بەڕێوبەرایەتیەکانی بۆ کاری تیمە هاوبەشەکان دوپات کردەوەو ڕایگەیاند بەردەوام دەرگامان بۆ تیمەکانی دیوانی چاودێری دارایی کراوەبووە بۆ وردبینی و بەدواداچوون لەسەر لیستی مووچەو داهات و خەرجیەکانی هەرێمی کوردستان.
لای خۆشیانەوە شاندی هاوبەشی دیوانی چاودێری دارایی عێراق و هەرێمی کوردستان سوپاسی وەزیری دارایی و سەرجەم بەڕێوبەرایەتیەکانی وەزارەتیان کرد لەپای ئەو هاوکاری و هەماهەنگیانەی بۆ سەرخستنی کارەکانیان ئەنجامیانداوە.