لە سلێمانی هەڵمەتێک بۆ پشکنینی ددانی منداڵانی ئۆتیزم راگەیێندرا و لقی سلێمانیی کۆمەڵەی ئۆتیزمی کوردستان دەڵێت، نەبوونی سەنتەرێکی پیشەیی بۆ منداڵانی ئۆتیزم کێشەیەکی سەرەکییە بۆ داهاتوویان.
ئەمڕۆ شەممە 17ـی ئابی 2024 سەندیکای پزیشکانی ددانی کوردستان هەڵمەتێکی بۆ پشکنینی ددانی منداڵانی ئۆتیزم راگەیاند و بە گوتەی هەڵاڵە مەحموود، بەرپرسی راگەیاندنی لقی سلێمانیی کۆمەڵەی ئۆتیزمی کوردستان، 300 منداڵ سوودمەند دەبن و هەر یەکێکیان کێشەی ددانی هەبێت، لەلایەن پزیشکانەوە نۆرەی بۆ دادەنرێت.