پارێزگارێ دهۆكێ به‌رێ بنیاتى بۆ كۆمه‌كا پرۆژا بكوژمێ ل سه‌نته‌رێ باژێرێ دهۆكێ دانا

به‌رده‌وامیدان ب گه‌هاندنا پرۆژێن خزمه‌تگوزارى بۆ هاوڵاتیان ئه‌ڤرۆ سپێدێ   رۆژا  سێشه‌مبى     24/ئه‌یلولا/2024 ێ “  د.عه‌لى ته‌ته‌ر” پارێزگارێ دهۆكێ  ب ئاماده‌بونا “د.نه‌وزاد عەبدولا” به‌رپرسێ لقێ ئێك و”ئیسماعیل محمد ئه‌حمه‌د ” ده‌ڤه‌ردارێ دهۆكێ ورێڤه‌به‌رێن فه‌رمانگه‌هێن په‌یوه‌ندیدار به‌رێ بنیاتى بۆ ڤان پرۆژا دانا:-

1-   دانانا به‌رێ بنیاتى بۆ چێكرن وقێركرنا جادێن نافخویى ل گوندێ قه‌سارا وچه‌ند جادێن نافخویى ل سنورێ باژێرڤانیا رۆژهه‌لات وچه‌ند جادا ل تاخێ ئێتیتێ بكوژمێ ملیاره‌ك و(202) ملیون دینارا.

2-  دانانا به‌رێ بنیاتى بۆ چێكرن وقێركرنا جادێن نافخویى ل ده‌ڤه‌را  پێشانگه‌هێن ترومبێلا  ب كوژمێ ملیاره‌ و(237) ملیون دینارا.

3-  دانانا به‌رێ بنیاتى بۆ چێكرن وقێركرنا جادێن نافخویى ل تاخێ ئێتیتێ رۆهه‌لاتێ باژێرێ دهۆكێ بكوژمێ ملیاره‌ك و(40) ملیون دینارا.

پارێزگارێ دهۆكێ دوپاتكر كۆ ل دووڤ راسپاردێن سه‌روكێ حكومه‌تا هه‌رێما كوردستانێ پرۆژێن خزمه‌تگوزارى ب یه‌كسانى وبه‌رده‌وامى وبێ جوداهى  بۆ هه‌موو ده‌ڤه‌ردارى وناوچه‌دارى وكۆمه‌لگه‌ه وگوندا دێ هێنه‌ گه‌هاندن وخواست كۆ هه‌موو پرۆژه‌ ل دووڤ پیڤه‌رێن ئه‌ندازیارى وب كوالیتییه‌كا باش بهێنه‌ چێكرن وبكه‌ڤنه‌ دخزمه‌تا هاوڵاتییان دا.

دهێتە زانین کۆ د چار ساڵێن بورى یێن كابینا (9) ێ یا حكومه‌تا هه‌رێما كوردستانێ (213) پرۆژه‌ بكوژمێ (475) ملیار دینارا ل سنورێ دهۆكێ هاتینه‌ ئه‌نجامدان.