لە کتێبخانەی گشتیی کۆیە، رێوڕيسمێک بۆ رێزلێنان و ناساندنی نۆبەرە بەرهەمی شیعریی ئەکرەم خامۆش، بەناوی “زریانی تەجاڵ و دوا گورزی مەمەندی” بەڕێوەچوو.
رێوڕەسمەکە بە ئامادەبوونی بەڕێوەبەری گشتی کتێبخانە گشتییەکان، سەرۆکی زانکۆی کۆیە، سەرۆکی لقی هەولێری یەکێتی نووسەرانی کورد و ژمارەیەکی زۆر لە ئەکادیمیست و نووسەر و ئەدیبانی کۆیە و شارەکانی دیکەی کوردستان بەڕێوەچوو.
لە رێوڕسمەکەدا رەهبەر سەید برایم، د.ئازاد ئەحمەد، فازڵ شەوڕۆ و دکتۆر مەولود ئیبراهیم حەسەن بابەت، گوتاریان لەسەر ژیان و بەرهەمی خامۆشی شاعیر پێشکەشکرد.
دواتر لە کورتە ڤیدیۆیەک هەر یەک لە چاپوک شێخ عومەر، هاوژین سڵێوە و ئارەزوو ئیسماعیل تیشکیان خستە سەر ژیانی ئەدەبی و هونەری خامۆش.
لە بڕگەیەکی دیکەی رێوڕەسمەکەدا لە بەرامبەر ئەو خزمەتە زۆرەی کە بە ئەدەب و هونەری کردووە، خەڵاتی زێڕینی ئاڵای کوردستان لە لایەن ئارام ساڵح بەڕێوەبەری کتێبخانە گشتییەکانی کۆیە پێشکەش بە شاعیر کرا.
پاشان دەیان چەپکە گوڵی رێزلێنان و دیاری پێشکەش بە شاعیری ناوبراو کراو دواجار کتێبەکە بە واژۆی نووسەر بەدیاری پێشکەش
بە ئامادەبووان کرا.