بەپێی زانیارییەکان، بەرشەلۆنە چاوەڕێی دابەزاندنی یەکێک لە یاریزانەکانی دەکات پێش ئەوەی بتوانێت ڕاشفۆرد لە لالیگا تۆمار بکات بەپێی یاسای فاینانشیاڵ فایر پلەی.
بەگوێرەی ڕۆژنامەی “مۆندۆ دیپۆرتیڤۆ”ی ئیسپانی، هێشتا بەرشەلۆنە هەڵبژاردەی یەکەمی ڕاشفۆردە لە بازاڕی گواستنەوەی زستانەدا، سەرەڕای دواکەوتنی کۆتاییهێنان بە گرێبەستەکە.
ڕاشفۆرد ئاگاداری دۆخی ناسکی دارایی بارسێلۆنایە، بۆیە لە دوایین کۆبوونەوەدا لەڕێگەی بریکارەکەیەوە، مارکوس ئامادەیی خۆی دەربڕی بۆ کەمکردنەوەی مووچەکەی بۆ ئەوەی شانبەشانی ڕۆبەرت لیڤاندۆڤسکی و ڕافینها و لامین یامال و پێدری یاری بکات.
ڕۆژنامەکە ئاشکراشیکردووە، ئەگەر هیچ ڕۆشتنێک لە بەرشەلۆنە ڕوونەدات، ئەوا یانە کەتەلۆنییەکە هێشتا توانای گواستنەوەی ڕاشفۆردی هەیە لەم مانگەدا.