یانەی هۆڵەندی ویلێمی دووەم ڕێزی لە بەرگریکاری پێشووی ڤێرجیل ڤان دایک گرت و یەکێک لە ستاندەکانی یاریگای لاوانی خۆی بە ناوی ئەوەوە ناونا.
ئەم شەرەفە ناوازەیە، بەو پێیەی ڤان دایک لە ڕێگەی ئەکادیمیای یانەکەوە پێگەییشتووە دوای ساڵانێک بۆتە ئەستێرەیەکی دیاری تۆپی پێی جیهان،کە ئەمە بۆ یانە هۆڵەندیەکە بۆتە جێگای شانازی.
دوای ساڵانێک لە سەرکەوتن و درەوشاوەیی لە یاریگاکانی ئەوروپا لەگەڵ لیڤەرپوول و هەڵبژاردەی هۆڵەندا، یانەکە جارێکی دیکە ئاهەنگی یەکێک لە دەرچووە دیارەکانی خۆی گێڕا و پێگەیەکی هەمیشەیی لە چوارچێوەی دیوارەکانیدا پێبەخشی وەک ڕێزلێنانێک بۆ ژیانی پیشەیی و دەستکەوتە بەرزەکانی.