سەرۆك بارزانی پێشوازی لە سەرۆکی هاوپەیمانی نەسر دەکات

رۆژی دووشەممە 6ـی تشرینی یەکەمی 2025، لە پیرمام سەرۆك مسعود بارزانی پێشوازی لە بەڕێز حەیدەر عەبادی سەرۆکی هاوپەیمانی نەسر کرد.

لە دیدارەکەدا باس لە پێشهات و گۆڕانکارییە سیاسییەکانی عێراق و ناوچەکە کرا، هەروەها تیشک خرایە پڕۆسەی هەڵبژاردنەکانی داهاتووی ئەنجوومەنی نوێنەرانی عێراق. هەردوولا لەسەر هەماهەنگی نێوان لایەنە سیاسییەکانی عێراق هاوڕابوون.