وەزارەتی پێشمەرگەی حكوومەتی هەرێمی كوردستان ئاشكرای كرد كە بەهۆی گەیشتنی هاوكارییەكانی هاوپەیمانان، هەفتەی داهاتوو دەست دەكەن بە دابەشكردنی مووچەی مانگی 3ی بەشێك لە لیواكانیان.
وەزارەتی پێشمەرگە رایگەیاند: دوای ئەوەی هاوکاری هێزەکانی هاوپەیمان بۆ هێزی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتی گشتی بوودجە و بەرنامەکان (ژمێریاری سەربازی) ڕێکارە دارایی و ژمێریارییەکانی بۆ دابەشكردنی مووچە ئەنجام داون.
بڵاویشی كردەوە: بانکەکان ئاگادارکراونەتەوە کە ڕۆژی یەکشەم 7ی نيسان 2024، مووچەی مانگی (3)ی لیواکانی پیادەی وەزارەتی پێشمەرگە دابەش بکرێت.