لە نوێترین هەواڵ دەربارەی کەیسی سوپەرلیگ یانەی ڕیاڵ مەدرید و کۆمپانیای A22 نوێترین سکاڵای خۆیان لەدژی یوفا بەرز دەکەنەوە و داوای پارەیەکی خەیاڵی وەکو قەرەبوو لە یوفا دەکەن،کە بەپێی سەرچاوەکان بێت بڕی پارەکە دەگاتە 5 ملیار دۆلار و کەیسەکەش ئێستا لەدادگای شاری مەدریدی ئیسپانیا کاری لەسەر دەکرێت و پەڕاوێکی بۆ کراوەتەوە.
هۆکاری ئەو سکاڵایەش دەگەڕێتەوە بۆ ئەوەی کۆمپانیای A22 داوای قەرەبووی ئەو زەرەر و زیانانە دەکات،کە بەهۆی یوفاوە بەریکەوتووە و لەلایەکی دیکەشەوە یانەی ڕیاڵ مەدرید بڕیاری کشانەوەی لەو کەیسە نەداوە و داوای قەرەبووی خۆی ئەو یانانەش دەکات،کە زیانیان بەرکەوتووە بەهۆی فیفاوە لە پڕۆژەی سوپەرلیگ.
هۆکارێکی دیکەی ئەم بابەتە دەگەڕێتەوە بۆ ڕێکنەکەوتنی یوفا و نوێنەرانی سوپەرلیگ،کە ماوەی زیاتر لەساڵێکە لە گفتوگۆدان بۆ ڕێککەوتن،بەڵام هیچ قسەیەکی کۆتایی نەکراوە و ئێستاش ئەو بابەتە زیاتر تەقینەوەی بەخۆوە بینیوە.
“سەرکار ڕێبوار”