سویسرا پشتڕاستی کردەوە کە لەم هەفتەیەدا گەڕی دووەمی دانوستانەکانی ئێران و ئەمریکا بە نێوەندگیریی عومان لە جنێڤ بەڕێوە دەچێت.
گوتەبێژی وەزارەتی دەرەوەی سویسرا بە ئاژانسی هەواڵی فەرەنسای ڕاگەیاند: “سویسرا هەمیشە ئامادەیە هەموو هەوڵێک بدات بۆ ئاسانکاریی گفتوگۆی نێوان ویلایەتە یەکگرتووەکانی ئەمریکا و ئێران.”
گەڕی یەکەمی دانوستانە ناڕاستەوخۆکانی ئێران و ئەمریکا لە ٦ی شوبات بە نێوەندگیریی عومان لە مەسقەتی پایتەختی ئەو وڵاتە، لە نێوان عەباس عێراقچی، وەزیری دەرەوەی ئێران و ستیڤ ویتکۆف، نوێنەری تایبەتی دۆناڵد ترەمپ، بە ئامادەبوونی جارێد کوشنەر، زاواکەی ترەمپ بەڕێوە چوو.
واشنتن گوشاری خستووەتە سەر تاران بۆ گەیشتن بە ڕێککەوتنێک بە مەبەستی سنووردارکردنی بەرنامە ئەتۆمییەکەی.
هەواڵی پێشوو