zagros news agency

نێچیرڤان بارزانی: پاراستنی زمانی دایک، پاراستنی ناسنامە و مێژووی کوردستانە

نێچیرڤان بارزانی، سەرۆکی هەرێمی کوردستان، لە پەیامێکدا بەبۆنەی ڕۆژی جیهانیی زمانی دایک، جەختی لە گرنگیی پاراستنی زمانە جیاوازەکان وەک ناسنامەی نەتەوەیی و مێژوویی کوردستان کردەوە.

ئەمڕۆ شەممە، سەرۆکی هەرێمی کوردستان لە هەژماری فەرمی خۆی لە تۆڕی کۆمەڵایەتی “ئێکس” ڕایگەیاند: “لە ڕۆژی جیهانیی زمانی دایکدا، شانازی دەکەین کە هەرێمی کوردستان لانکەی فرەیی و پێکەوەژیانی پێکهاته‌ نه‌ته‌وه‌یی و ئایینی و زمان و کولتوورە جیاوازەکانە.”

نێچیرڤان بارزانی لە درێژەی پەیامەکەیدا پابەندیی هەرێمی کوردستانی بۆ بره‌وپێدان و پێشخستنی زمانی دایک بۆ هەموو پێکهاتەکان دووپات کردەوە و ئاماژەی بەوە کرد، کار دەکەن بۆ گەشەپێدانی سەرجەم زمانەکان، لە زمانی کوردییەوە تا زمانەکانی (تورکمانی، سریانی و ئەرمەنی).

لە کۆتایی پەیامەکەیدا، سەرۆکی هەرێمی کوردستان جەختی لەوە کردەوە کە “پاراستنی زمانی دایک، پاراستنی ناسنامە و مێژووی دەوڵەمەند و داهاتووی کوردستانە.”

هەواڵی پەیوەندیدار

ئەندامانی ئەنجومەنی شارەوانیی سەردەشت بە وەرگرتنی بەرتیل تۆمەتبار کران

یاسین

سه‌رۆك بارزانی پیرۆزبایی له‌ كوردستان تیڤی كرد

سەڵاح

سەرەڕایی بەرەو پێش چونی گفتوگۆکان بەلام هێشتا 4خال چەقی ناکۆکیەکانن

گوران