بەشێوەیەکی گشتی سەرجەم میوەکان سوودێکی زۆریان بۆ تەندروستی منداڵ هەیە و یارمەتی گەشەکردن دەدەن، یەکێکیش لەو میوانەی زۆر بەسوودە بۆ منداڵ شلیکە.
شلیک، یەکێکە لەو میوانەی لەلای منداڵ خواستێکی زۆری لەسەرە و سوودێکی زۆری بۆ بەرگری جەستە و گەشەکردن هەیە، بۆیە پێویستە لە سیستمی خۆراکی ڕۆژانەی منداڵدا هەبێت.
سوودەکای شلیک بۆ منداڵ
-ڕێژەیەکی زۆر ڤیتامین، کانزا و دژەئۆکسانەکانی تێدایە کە بۆ جەستە پێویستن، بەرگری جەستە بەهێزدەکات و ڕێگری توشبوون بە پەتای وەرزی دەکات.
-دەوڵەمەندە بە ڕیشاڵەکان و ڕۆڵێکی گرنگی لە باشترکردنی هەرس و جوڵەی ڕیخۆڵەکاندا هەیە و کێشەکانی قەبزی و غازات کەمدەکاتەوە، کە کێشەیەکی باوە لە منداڵدا.
-ڕێژەیکی زۆر لە کانزا گرنگەکانی تێدایە، کە بۆ دروستبوونی ئێسکی بەهێز و گەشەکردن لە منداڵدا پێویستن.
-بەپێی توێژینەوەکان شلیک یارمەتی کردارەکانی مێشک و باشتربوونی سەرنج دەدات.
-ڕێژەیەکی زۆر ئاوی تێدایە یارمەتی شێدارکردنەوەی جەستە دەدات.
-دەوڵەمەندە بە ئاسن و رێگری لە کەمخوێنی دەکات.