ڕۆژنامەی هۆلیۆد ڕیپۆرتەر لە هەواڵێکی نوێیدا بڵاویکردۆتەوە ئێرلینگ هالاندی ئەستێرەی نەرویجی بڕیارە لە فیلمێکی ئەنیمەیشن بەشداری بکات بەناوی “ڤایکینگز”،کە ئەمە دەبێتە یەکەمین ئەزموونی یاریزانەکە لەبواری سینەمایی و لەماوەی داهاتووشدا بەفەرمی ئاشکرا دەکرێت.
دەرهێنەری فیلمەکە دەربارەی ئەم بابەتە وتی؛ هەبوونی کەسایەتیەکی وەک هالاند لەم کارەدا شتێکی سەرنج ڕاکێشە و بینەرێکی زۆر کۆدەکاتەوە،کە فیلمەکە کۆمیدیا و سەرکێشیە،هالاندیش ڕۆڵی ڤایکینگێک دەگێڕێت وە ئەم کوڕە ئەم ڕۆڵەشی لێدەوەشێتەوە چونکە ئێستە لە جیهاندا وەکو کەسێکی بەهێز و خاوەن شکۆ دێتە بەر چاوەکان.
هالاند بەم کارە نوێیەی چاوەکانی زیاتر خستۆتە سەر خۆی و پێش ماوەیەکیشە ئەوە بڵاوبۆتەوە لەکلیپێکی گۆرانیـبێژی ناوداری بەریتانی ڕیتا ئۆرا بەشداری دەکات وەکو کارەکتەری سەرەکی،کە قەرارە کۆتاییەکانی ئەم ساڵ بڵاوبکرێتەوە.
“سەرکار ڕێبوار”