سوپای ئیسرائیل زنجیرەیەک هێرشی ئاسمانی چڕی کردە سەر باشووری لوبنان و تێیدا 12 شوێنی جیاوازی کردە ئامانج.
بەپێی زانیارییە سەرەتاییەکان، هێرشەکان توند بوون و زیانێکی ماددی زۆریان لە دوا بەجێهێشتووە.
میدیاکانی لوبنان ڕایانگەیاند کە بەپێی ئامارە سەرەتاییەکان، لەم بۆردومانانەدا لانی کەم 5 کەس کوژراون و چەندین کەسی دیکەش بە سەختی و سووکی بریندار بوون.
ئەم پەرەسەندنە سەربازییە لە چوارچێوەی گرژییە بەردەوامەکانی سەر سنووری نێوان ئیسرائیل و لوبناندا دێت، کە مەترسیی فراوانبوونی شەڕی لە ناوچەکەدا زیاتر کردووە.