لەدرێژەی ناوەڕۆکی پەرتووکی کار و چالاکی و چاکسازییەکانی وەزارەتی دارایی و ئابووری لە ساڵی ( ٢٠١٩ تا ٢٠٢٥ ) بەداتا و زانیاری و گرافیک شێوازی خەرجکردنی مووچەی مانگانەی فەرمانبەران و مووچەخۆران و میکانیزمی تەمویل کردنی پارەکان لە حەوت ساڵی ڕابردەودا ڕوونکراوەتەوە، ئەوەش لە پێناو چەسپاندنی زیاتری بنەماکانی شەفافیەت و خستنەڕووی تەواوی وردەکاری داتا و زانیارییەکان و سەرچاوەی داهات و تەمویلەکانیان بۆ میدیاکان و ڕای گشتی.
هەروەها لەسەر پێشنیار و ڕاسپاردەی وەزارەتی دارایی و بەهەماهەنگی لەگەڵ ئەنجومەنی وەزیران مووچە پاشەکەوت کراوەکان لە ئەماناتەوە کرانە قەرز لەسەر حکومەتی هەرێمی کوردستان، (مبالغ مستحقة الدفع).