تەندروستی ددانەکان ئەرێکی زۆری پێویستە، چونکە لەکاتی دروستبوونی کێشەکانی ددان و هەبوونی ئازارێکی زۆر خاوەنەکەی بێزاردەکات، لەهەندێک حاڵەتی قورسیشدا لەوانەیە ببێتە هۆی لەدەستدانی ددان.
بەشێوەیەکی گشتی خواردن و خواردنەوەکان گاریگەرییەکی زۆریان لەسەر تەندروستی ددانەکان هەیە، بەپێی ماڵپەڕی”الوگن”، هەندێک لە پزیشکەکان ئاشکرایان کردووە بەردەوام خواردنەوەی شەربەتی پڕتەقاڵ، لیمۆ، سندی، چا، قاوە، خواردنەوە گازی و کهولیەکان یان هەر شەربەتێکی دیکەی مزرەمەنیەکان زیان بە مینای ددان دەگەیەنن و دەبنە هۆی خورانی مینای ددان.
بەشێک لە پزیشکانی پسپۆڕ لە ئۆسترالیا باس لەوە دەکەن ئەو ترشانەی لەناو شەربەتی مزرەمەنیەکاندا هەیە دەبنە هۆی لەدەستدانی مینای ددان، ئەوەش هۆکارێکە بۆ زەردبوونی ڕەنگی ددان و هەستیاربوونی، لەگەڵ ئەوەشدا لاوازبوونی مینای ددان هۆکارێکی سەرەکیە بۆ هەستیاری و کلۆربوونی ددانەکان، بۆیە باشترە ئەو خواردنەوانە بەڕێژەیەکی گونجاو بخورێنەوە و زیادەڕەوی تێدانەکرێت ، بۆئەوەی ددانەکان بە تەندروستیەکای باش بمێننەوە.