سەرچاوەیەکی ئاگادار، ئەمڕۆ ڕایگەیاند کە وەزیری پەیوەندییەکان (مصطفى سند) لەسەر دۆسیەی شەڕ لەگەڵ پەرلەمانتار (بهاء الأعرجي) لە ناو ئەنجومەنی نوێنەران، ڕەوانەی دادگای کەتن کراوه.
پوختەی زانیارییەکانی دۆسیەکە:
ڕەوانەکردن سەرەڕای ڕێککەوتن: سەرچاوەکە به شەفەق نیوزی راگەیاند کە ڕەوانەکردنی دۆسیەکە بۆ دادگای کەتن لە کاتێکدا بووە کە پێشتر لە دانیشتنێکی ئاشتەوایی و ڕێککەوتندا لە ناوەوە و دەرەوەی پەرلەمان بە ئامادەبوونی سەرۆکی ئەنجومەن و جێگرەکانی، بەڵێنی ڕاشکاوانە بە (سند) درابوو کە سکاڵاکە بکشێندرێتەوە، بەڵام ئەمڕۆ بە ڕەوانەکردنی دۆسیەکە بۆ دادگا سەرسام بووە.
پاشخانی ڕووداوەکە: لە مانگی ئاداری ڕابردوودا، دەمەقاڵێیەک لە ژێر قوبەی پەرلەمان لە نێوان مصطفى سند و بهاء الأعرجي (سەرۆکی کتڵەی ئاوەدانکردنەوە و گەشەپێدان) ڕوویدا و بووە هۆی شەڕی دەستەویەخە، کە لە ئەنجامدا سەرۆکایەتیی پەرلەمان بڕیاری دا رێگە بە چوونهژوورهوهی سند بۆ ناو بینای پەرلەمان نەدرێت.
بڕیاری پێشووی دادگا: دادگای عێراق لە ٢٣ی نیسانی ڕابردوودا، دوای ئامادەبوونی مصطفى سند لە دادگا لەسەر هەمان دۆسیە، بڕیاری دابوو بە کەفالەت ئازاد بکرێت.
هەواڵی پێشوو