سێیەکی دانیشتووانی جیهان توانای کڕینی خۆراکی تەندروستیان نییە

بەپێی ڕاپۆرتێکی نوێی نەتەوە یەکگرتووەکان، نزیکەی 2.69 ملیار کەس لە جیهاندا بەهۆی گرانبوونی نرخەکانەوە ناتوانن ژەمی خۆراکی تەندروست بۆ خۆیان دابین بکەن، تێچووی سیستەمی خۆراکی تەندروست لە ماوەی پێنج ساڵی ڕابردوودا بە ڕێژەی 25% زیادی کردووە.

ڕێکخراوی فاو (FAO)ی سەر بە نەتەوە یەکگرتووەکان، لە ڕاپۆرتی “ئاسایشی خۆراک و خۆراکی جیهان بۆ ساڵی 2026″دا ئاشکرای کرد، بەرزبوونی بەردەوامی نرخی خۆراک بووەتە هۆی ئەوەی تێچووی ڕۆژانەی خۆراکی تەندروست بۆ هەر کەسێک بە تێکڕا بگاتە 4.28 دۆلار.

ماکسیمۆ تۆرێرۆ، گەورە ئابووریناسی ڕێکخراوی فاو لە کۆنفرانسێکی ڕۆژنامەوانیدا لە بارەگای نەتەوە یەکگرتووەکان لە نیویۆرک ڕایگەیاند: “بەهۆی ئەم گۆڕانکارییانەوە، ئێستا 2.69 ملیار کەس، واتە نزیکەی یەک کەس لە هەر 3 کەس لە جیهاندا، ناتوانن تێچووی سیستەمێکی خۆراکی تەندروست دابین بکەن.”