بەڕێوەبەرایەتیی گشتیی حەج و عومڕە سەر بە وەزارەتی ئەوقاف و کاروباری ئایینی لە حکومەتی هەرێمی کوردستان، ئەنجامی کۆتایی پڕۆسەی هەڵبژاردنی ئەو مامۆستا ئایینییانەی بڵاوکردەوە کە وەک ڕێبەر و هاوەڵی حاجیان بەشدار دەبن لە وەرزی حەجی ساڵی ٢٠٢٧.
بەپێی لیستە فەرمییەکان، پڕۆسەکە بە دوو بەش ڕاگەیەندراوە:
-
لیستی سەرەکی (هەڵبژێردراوان): ناوی ٣٣ مامۆستای ئایینی لەخۆدەگرێت کە لەسەر ئاستی سەرجەم پارێزگاکان (هەولێر، سلێمانی، دهۆک، هەڵەبجە) و ئیدارە سەربەخۆکان (گەرمیان، ڕاپەڕین، سۆران، زاخۆ) بەپێی شایستەیی و پشکەکان دەرچوون.
-
لیستی یەدەگ: ناوی ١١ مامۆستای ئایینی وەک یەدەگ بۆ ساڵی ٢٠٢٧ دیاری کراون، تا لە ئەگەری هەر کشانەوە یان پێشهاتێکدا جێگەی مامۆستایانی سەرەکی بگرنەوە، کە سنووری ناوچە کوردستانییەکانی دەرەوەی ئیدارەی هەرێمیشی تێدایە.
ئەم پڕۆسەیە بە مەبەستی سەرپەرشتی، ڕێنماییکردن و ئیرشادکردنی حاجیانی هەرێمی کوردستان لە بەجێهێنانی فەریزەی حەجدا ئەنجام دەدرێت، و فەرمانەکە بە واژۆی وریا مەولانە خالید محەمەد، بەڕێوەبەری گشتیی حەج و عومڕە، و هەژار موحسین سابیر، ڕێکخەری پڕۆسەکە پەسەند کراوە.
