بەپێی ڕاپۆرتی میدیا ئیسرائیلییەکان، ئەمڕۆ پێنجشەممە ٨ی نیسانی ٢٠٢٥، شاندی تورکیا و ئیسرائیل لە باکۆی پایتەختی ئازەربایجان، گەڕی دووەمی دانوستانەکانیان ئەنجام دا.
ئامانجی سەرەکیی کۆبوونەوەکە گفتوگۆکردن بوو لەسەر کەمکردنەوەی گرژییەکان و ڕێگریکردن لە پێکدادانی نێوان هەردوو وڵات لەنێو خاکی سووریادا.
دەستەی ڕاگەیاندنی ئیسرائیل بڵاویکردەوە، کۆبوونەوەکە بە نێوەندگیریی ئازەربایجان بەڕێوەدەچێت و ئامانج لێی کەمکردنەوەی ئاڵۆزییەکانی نێوان تورکیا و ئیسرائیلـە لە سووریا.
هەروەها میدیا ئیسرائیلییەکان ئاماژەیان بەوە کردووە، شاندی ئیسرائیل لە کۆبوونەوەکەدا داوا دەکات چەکی ستراتیژی لەنێو خاکی سووریادا نەمێنێت و هیچ هێزێکیش لەسەر سنوورەکانیان جێگیر نەکرێت، هەڕەشە بۆ سەر ئاسایشی ئیسرائیل دروست بکات.
هەواڵی پێشوو