ناوەندی لێکۆڵینەوەی ژینگەییی “هێلمهۆڵتز” ڕایگەیاند وشکەساڵی لە باشوور و ڕۆژهەڵاتی ئەڵمانیا بەهۆی کەمیی باران لە پاییزی ڕابردووەوە و شەپۆلی ئەم دوایییەی گەرما، گەیشتووەتە قۆناغێکی نیگەرانکەر.
ئاندریاس مارکس، بەرپرسی “چاودێری وشکەساڵی” لەم ناوەندە، ئاماژەی بە خێراییی وشکبوونی خاک کرد و گوتی: «تەنانەت هاوینێکی پڕبارانیش بە زەحمەت دەتوانێت کەمیی ئاوی کۆبووەوە قەرەبوو بکاتەوە.»
بە گوتەی ئەو، گەرمای هەفتەکانی ڕابردوو شێی چینە ڕووکەشەکانی خاکی بە خێرایی کەم کردووەتەوە و سەرچاوەکانی ئاوی ژێرزەویش هێشتا لە ئاستێکی نزمدا ماونەتەوە.
شارەزایان هۆشداری دەدەن بەردەوامیی ئەم دۆخە دەتوانێت زیان بە دارستانەکان بگەیەنێت، مەترسیی هێرشی مێرووە زیانبەخشەکان زیاد بکات و ئاستی ئاوی ڕووبارەکان کەم بکاتەوە، ئەمەش زیان بە کەشتیوانی و بەرهەمە کشتوکاڵییەکان، بەتایبەت گەنمەشامی و چەوەندەری شەکر، دەگەیەنێت.
هەواڵی پێشوو