مارکۆ ڕۆبیۆ، وەزیری دەرەوەی ئەمریکا، ڕۆژی پێنجشەممە ڕایگەیاند کە ئێران «ئامادەی گەیشتن بە ڕێککەوتن نییە»، هەروەها ئاگاداری دا کە باجی ئەو هەڵوێستە دەدات.
ڕۆبیۆ لە گفتوگۆیەکدا لەگەڵ ڕۆژنامەوانان لە شاری مانیلا وتی: «باجی ئەوەی ئێران دەیدات، شەو بە شەو زیاتر دەبێت، هەتا کاتێک بگەڕێتەوە بۆ هۆشیاری.» ئەو هەروەها دووپاتی کردەوە کە ئەمریکا هەوڵ دەدات ئێران هیچ جۆرە چەکی ناوەکی نەبێت.
لە بەشێکی دیکەی قسەکانی، وەزیری دەرەوەی ئەمریکا وتی ئێران حوسییەکانی فریوداوە پێویستە ئەوانیش هێرشەکانیان بوەستێنن .
سەبارەت بە پرسی ئۆکراینیش، ڕۆبیۆ جەختی لەسەر پێویستی دۆزینەوەی پێشنیارە نوێکان کرد بۆ گەیشتن بە ڕێککەوتنێکی پەسەندکراو کە بتوانێت کۆتایی بە شەڕی ئۆکراین بهێنێت.