سەرۆکی ئەمریکا، دونالد ترامپ، ڕۆژی پێنجشەممە دووبارە هەرەشەیی لە ئێران کرد وتی ئەگەر بە زووترین کات ڕێککەوتنێک لەگەڵ ئەمریکا واژوو نەکات، واشینگتۆن هێرشە سەربازییەکانی بەردەوام دەبێت
ترامپ لە گفتوگۆیەکدا لەگەڵ کەناڵی Fox News وتی: «ئەگەر ئێران بە زوویی ڕێککەوتنەکە واژوو نەکات، دووبارە بۆردومانمان دەکەین تا تەواو وێرانی بکەین.»
سەرۆکی ئەمریکا هەروەها ئاماژەی بەوەدا کە ئیسرائیل بەشداری لەو هێرشانەدا نەبووە کە دژ بە ئێران ئەنجام دراون.
لە هەمان کاتدا، سوپای ئەمریکا ڕایگەیاند کە ئامانجە ئێرانییەکانی کردووەتە ئامانج، چونکە بە گوێرەی ڕاگەیاندنەکە هەڕەشەیان بۆ هێزەکانی ئەمریکا و کەشتییە بازرگانییەکان دروست کردبوو.
بەپێی زانیارییەکان، ئەمریکا و ئێران ڕۆژی پێنجشەممە بۆ دووەمین ڕۆژی لەدوای یەک هێرشە ئاسمانییەکان لەنێوانیاندا گۆڕییەوە. ترامپ هەڕەشەی دا کە ئەگەر تاران دەستبەجێ ڕازی بە ڕێککەوتنێکی ئاشتی نەبێت، هێرشەکان زیاتر دەکات.
ئەو ئاڵۆزییە سەربازییە لە سەرەتای هەفتەکە دەستی پێکرد، کاتێک هێزەکانی ئێران هەلیکۆپتەری ئەپاچیی ئەمریکاییان لە نزیکی تەنگەی هورموز خستە خوارەوە، ئەوەش بووە هۆی دەستپێکردنی زنجیرەیەک لە هێرشە بەرامبەرەکان لەسەر شارەکانی ئێران و بنکە سەربازییەکانی ئەمریکا لە ناوچەکەدا.