یانەی پاریس سان جێرمانی فەرەنسی لە دەستپێکی خولی فەرەنسادا تووشی گورزێکی بەهێز بوو، دوای ئەوەی لیژنەی دیسپڵینی ڕابیتەی خولەکە بڕیاری سڕکردنی نونو مێندێزی بەرگریکاری پورتوگالیی بۆ سێ یاری دەرکرد.
ئەم سزایە بەهۆی وەرگرتنی کارتی سور هات لە یاریی جامی سوپەری فەرەنسا بەرامبەر یانەی لانس، کاتێک مێندێز لە خولەکەکانی کۆتاییی یارییەکەدا ئەنیشکی لە میشال سکوراش دا و لەلایەن جێریمی بێنیاری ناوبژیوانەوە کرایە دەرەوە.
بەپێی ئەم بڕیارە، یاریزانەکە لە سێ یاریی گرنگی خولەکە بەرامبەر یانەکانی ڕێن و لیل و مۆناکۆ بێبەش دەبێت ئەم بڕیارە دوای ئەوە دەرچوو کە یانەی پاریس سان جێرمان ناڕەزایەتیی بەرامبەر ڕاپۆرتی ناوبژیوان دەربڕی.
چونکە لە ڕاپۆرتەکەدا ڕووداوەکە بە لێدانی توندوتیژ لە دەرەوەی یاری وەسف کرابوو بەهۆی ئەم سزایەشەوە چاوەڕێ دەکرێت لویز ئێنریکیی ڕاهێنەر پەنا بۆ لوکاس دینیی بەرگریکاری نوێی فەرەنسی ببات تاوەکو شوێنی مێندێز لە ڕێکخستنی پێکهاتەی سەرەکیدا پڕ بکاتەوە.