مامۆستایهكی زانكۆی سهلاحهدین لهبارهی ئهو خهڵاتهی پاپای ڤاتیكان كه بهسهرۆك مهسعود بارزانی دراوه ئاماژه بهوه دهكات كه ئهو ڕێزلێنانه تەنها ڕێزلێنانێک بۆ کەسایەتییەک نییە؛ بەڵکو شایەتییەکە بۆ بەهاکانی ئاشتی، پێکەوەژیان، پاراستنی مرۆڤ و ڕێزگرتن لە جیاوازییەکان.
باس لهوهش دهكات كه ئەم نیشانەیە کە نیشانی پاپای پیۆسی نۆیەم (Pian Order) ـە، یەکێکە لە بەرزترین نیشانەکانی کە کۆرسی پاپایی پێشکەشی دەکات. لەم بۆنەیەدا، ماناکەی لە چوارچێوەی ڕێوڕەسمی تێدەپەڕێت؛ چونکە وەک نیشانەیەک بۆ بەها مرۆییەکان و ڕۆڵی سەرۆک بارزانی لە بەهێزکردنی ئاشتی و پێکەوەژیان و پاراستنی پێکهاتە جیاوازەکانی کۆمەڵگە دێت.
ديلان خليل خورانى، مامۆستای زانكۆ بۆ ئاژانسی زاگرۆس گوتی: “کوردستان بە جۆراوجۆریی نەتەوەیی، ئایینی و کۆمەڵایەتییەکانییەوە، هەمیشە شوێنێک بووە بۆ پێکەوەژیان. ئەمەش ئەو بیرۆکەیەیە کە سەرۆک بارزانی کاتێک باس لە کوردستانییەکان دەکات، دەیخاتەڕوو؛ واتە هەموو ئەوانەی کە لەم خاکەدا دەژین و بە هەر ئاین و نەتەوە و ناسنامەیەکەوە بن، بەشێکن لهم پێكهوهژیانه بهشێوهی هاوبەش.لە زۆرێک لە ساتە سەختەکاندا، سەرۆک بارزانی هەڵوێستی بەهێز و بوێرانەی لە پشتیوانیی پێکهاتە جیاوازەکان كردووه، بە تایبەتی ئەو کاتانەی کە ڕووبەڕووی ئاوارەبوون و مەترسی و نەهامەتی بوونەتەوە.
ئهوهی خستهروو: ئەو هەڵوێستانەی سهرۆك بارزانی جەختیان لەسەر ئەو بنەمایە کردووەتەوە کە مرۆڤبوون پێش هەموو ناسنامەیەکی دیكهیه پاراستنی مرۆڤ نابێت بە ئاین و نەتەوەیەوە پەیوەست بێت.لێرەدا پەیامی ئەم ڕێزلێنانە لەگەڵ ناوەڕۆکی پەیامی مەسیح یەکدەگرێتەوە:(خۆشەویستییەک کە سنووری جیاوازییەکان تێدەپەڕێنێت، ئاشتییەک کە مرۆڤان کۆدەکاتەوە نەک دابەشیان بکات، و مرۆڤێک کە لەسەر هەموو جیاوازییەکانەوە دێت).ئەمەش هەمان ئەو پەیامەیە کە پاپای پیرۆز لاونى چواردەم هەڵیدەگرێت؛ پەیامی ئاشتی، دروستکردنی پرد لەنێوان گەلەکان، و ڕەتکردنەوەی کینە و دابەشبوون.
ئهو مامۆستایهكی زانكۆ دهشڵێت: “بۆیە ئەم نیشانەیە تەنها پارچەیەک نییە کە لەسەر سنگ دادەنرێت، بەڵکو پەیامه بهوهی کە پێکەوەژیان هێزە، پاراستنی جیاوازیهكان پاراستنی نیشتمانە، و خۆشەویستی دەتوانێت ئەوە کۆبکاتەوە کە سیاسەت هەندێک جار ناتوانێت کۆی بکاتەوە. ئەم نیشانەیە بە سەرۆک بارزانی بەخشراوە، مانای قووڵتری ئەوەیە کە لە کەسایەتیی ئەو تێدەپەڕێت و دەگاتە هەموو ئەوانەی باوەڕیان وایە کوردستان ماڵی هەموو پێکهاتە و نهتهوه و ئایینیه جیاوازهكانه، نابێتە هۆی دووبەرەکی، بەڵکو دەبێتە بەشێک لە دەوڵەمەندی و جوانیی ئەم نیشتمانە، چونکە نیشانەی ڕاستەقینە ئەوە نییە کە لەسەر سنگ دەدرەوشێتەوە، بەڵکو ئەوەیە کە لە دڵی گەلەکاندا دەمێنێتەوە: ئهویش ئارامی، خۆشەویستی، ڕێز و ئاشتی.