مەکتەبی سیاسیی پارتی دیموکراتی کوردستان، بەبۆنەی (٣٥)ەمین ساڵیادی دامەزراندنی پارتی پارێزگارانی کوردستان، بروسکەیەکی پیرۆزبایی ئاراستەی سەرۆک، ئەندامانی مەکتەبی سیاسی و سەرکردایەتی ئەو پارتە کرد.
لە بروسکەکەدا هاتووە: “بەبۆنەی ٣٥ەمین ساڵیادی دامەزراندنی پارتی پارێزگارانی کوردستان، پیرۆزباییەکی گەرم لە ئێوەی بەڕێز و تەواوی ئەندامان و لایەنگرانتان دەکەین و هیوای بەردەوامی و سەرکەوتنتان بۆ دەخوازین لە کار و چالاکییەکانتاندا.”
مەکتەبی سیاسیی پارتی لە پەیامەکەیدا جەختی لە گرنگیی پتەوکردنی پەیوەندییەکان کردووەتەوە و ڕایگەیاندووە: “لەم دەرفەتەدا، دووبارە جەخت دەکەینەوە سەر هاوکاری و هەماهەنگیی نێوانمان، لە پێناو بەرەوپێشچوون و چەسپاندنی بنەماکانی دیموکراسی و پاراستنی تەبایی لە نێوان هێز و لایەنە سیاسییەکانی کوردستاندا.”
لە کۆتایی بروسکەکەشدا هیوای ئایندەیەکی گەش بۆ هاووڵاتیانی کوردستان خوازراوە و جارێکی دیکە پیرۆزبایی ئەو یادە لە سەرکردایەتی و ئەندامانی پارتی پارێزگاران کراوەتەوە.
ئەمەش دەقی پیرۆزبایینامەکەیە:
بروسکەی پیرۆزبایی مەکتەبی سیاسیی پارتی دیموکراتی کوردستان بەبۆنەی (٣٥)ەمین ساڵیادی دامەزراندنی پارتی پارێزگارانی کوردستان
بەڕێز/ سەرۆک و ئەندامانی مەکتەبی سیاسی و سەرکردایەتیی پارتی پارێزگارانی کوردستان،
بەبۆنەی (٣٥)ەمین ساڵیادی دامەزراندنی پارتی پارێزگارانی کوردستان، پیرۆزباییەکی گەرم لە ئێوەی بەڕێز، ئەندامان و لایەنگرانتان دەکەین؛ هیوای بەردەوامیتان بۆ دەخوازین لە کار و چالاکییەکانتاندا.
لەم دەرفەتەدا، دووبارە جەخت دەکەینەوە سەر هاوکاری و هەماهەنگیی نێوانمان، بۆ بەرەوپێشچوون و پتەوکردنی بنەماکانی دیموکراسی و تەبایی لە نێوان پارت و هێزە سیاسییەکانی کوردستاندا، لە پێناو دابینکردنی ئایندەیەکی گەش بۆ هاووڵاتیان.
جارێکی دیکە پیرۆزباییتان لێدەکەین و هەر سەرکەوتوو بن.
مەکتەبی سیاسیی پارتی دیموکراتی کوردستان
٢ـی ئەیلوولی ٢٠٢٦