بەرپرسێ راگەهاندنا ساخلەمیا قەزا ئاکرێ راگەهاند، کو دوو حالەتێن تایا خوینبەربونێ ل ئاکرێ هاتنە تومارکرن، کو زەلامەک و ئافرەتەکە، ئک ژوان گیانی خۆ دەستدایە، کو هیڤیدارین ژ خەلکێ مە ڤان رێنامایان جێبەجێبکەن.
نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ، ب ئاژانسا نوچەیا زاگرۆس راگەھاند: ئێک ژوان حالەتا کوکەسەکێ تەمەن ٤٨ سالی بول ئاکرێ هاتیە رەوانەکرن بو دهوکێ پاشان چویە نەخوشخانەیەکا هەولێرێ و ل وێرێ گیانێ خو ژدەست دایە .
بەرپرسێ راگەهاندنا ساخلەمیا قەزا ئاکرێ گووت: حالەتێ دوویێ ئافرەتەکا تەمەن ٦٠ سالی یە و رەوشا وێ یا تەندروستی یا باشە و پشتی وەرگرتنا چارەسەرێن پێویست ژبوو نەخۆشیا تایا خوین بەربوونێ هاتیە رەوانەکرن بۆ مالا خویە.
هەروەسا نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ ئەوەچەندەش بۆ ئاژانسا نوچەیا زاگرۆس راگەهاند، ئەم وەک رێڤەبەریا ساخلەمیائاکرێ داخازێ ل خەلکێ خویێ خوشتڤی دکەین پێگیری ڤان رێنمایابن:
ژبوو رێگری کرن ل بلاو بوونەوا نوخۆشیا تایا خوینبەربوونێ ل هەرێما کوردستانی، کو نوکە ل چەند پارێزگایت عێراقێ بەلاڤبوویە، وەزارەتا کشتوکاڵ و سەرچاوەکانی ئاوی حکوومەتا هەرێما کوردستانێ شەش رێکار بەلاڤکردینە کو بوی شێوەینە:
یێکەم / پێویستە سەرژێکرن ئاژەلان ل سەربرخانە یێن فەرمیی بیت و ب پشکنین و مۆرا فەرمی یا ڤێتەرنەری بهێتە د ناڤ بازاڕێ دا سەربڕین ل سەر جادە و دناڤ کولانان دا قەدەغەیە.
دووەم/ پشکنین پێش و پاش سەربڕینێ بۆ ئاژەڵان بهێتەکرن ب مەبەستا دڵینابوونێ ل تەندروستییاوان.
سێیەم/ پێویستە ڕێکارێن تەندروستیی بو جلوبەرگێن تایبەتمەند و ب کار هێنانا کەلوپەلێن سەربڕینێ ل سەربڕخانەیا بەرچاڤ بهێتە وەرگرتن.
چوارەم/پێویستە ل خاڵێن سنوورى و فڕۆکخانەیان ، پشکنینێن ورد بۆ وان ئاژەڵان بهێنە کرن یێن دهێنە ناڤ هەرێمی کوردستان ب مەبەستا پشتراست بوون ل تەندروستیا وان.
پێنجەم/ وەزارەت و رێڤەبەریێن گشتی دێ رێکارێن پێویست کرنەبەر بەر ب مەبەستا دابینکردا دەرمانێ شووشتنا ئاژەڵان بۆ ل ناڤبرنا مشەخۆر (قڕنە) کو ئەگەرێ سەرەکیی ڤەگوهاستنەوەیا ڤایرۆسێ نەخۆشیا تایا خوێنبەربوونێ یە ل ناڤبەرا ئاژەڵاندا و ئەڤ هەڵمەتە دێ هەمی کوردستنێ ڤەگریت.
شەشەم/ کۆنتڕۆڵکردنا دیاردەیا بازرگانیێ ئاژەڵان ب شێوەیێ نەفەرمی ل دەرەڤە و ناڤخویا هەرێم و عێراقێ، هەروەسا ڕێکگرتن ل ئینانا ئاژەڵێن وان پارێزگەهێن کو نەخۆشییە تێدا یا بەربەلاڤ.
هەروەسا نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ ئەوەچەندەش بۆ ئاژانسا نوچەیا زاگرۆس دیارکر، کو هیڤیدارین ژ خەلکێ مە ڤان رێنامایان جێبەجێبکەن و هیڤیا ساخ و سلامەتییێ و دویر بون ژ هەر نەخوشیەکێ بو خەلکێ مە یی خو شتڤی دخازین.
رێباز یونس