ژمارەی کوژراوانی کەرتی غەززە لە 28 هەزار كه‌سی تێپه‌ڕاند شوبات 12, 2024 تەندروستیی غەززە بڵاویکردەوە، لە ئەنجامی بۆردومان و هێرشەکانی سوپای ئیسرائیل لە کەرتی غەززە، تەنیا لە 24 کاتژمێری روبردوو 112 کەس کوژراون، بەجۆرێک ژمارەی کوژراوان لە 7ی ئۆکتۆبەری رابردووەوە گەیشتە 28 هەزار و 176 کەس. 67 هەزار و 784 کەسی دیکەش برینداربوون. زیاتر لە چوار مانگە شەڕی ئیسرائیل و حەماس بەردەوامە، هیچ ئاسۆیەکیش بۆ کۆتاییهاتنی نییە. دۆخی مرۆییش سات بە سات خراپتر دەبێت، بەجۆرێک تاوەکو ئێستا نزیکەی دوو ملیۆن کەس لە غەززە ئاوارە بوون.
