سێرگی لاڤرۆڤ، وەزیری دەرەوەی رووسیا، قەبارەی وەبەرهێنانەکانی رووسیای لە کەرتی وزەی عێراق ئاشکرا کرد و جەختیشی کردەوە، کەرتی نەوت و گاز بە پێشەنگی کەرتی بازرگانی و هاوکاریی ئابووریی نێوان رووسیا و عێراق دەمێنێتەوە.
لاڤرۆڤ گوتی: عێراق پێشەنگی هاوبەشی بازرگانیی و ئابووریی رووسیایە لە نێو وڵاتانی عەرەبیدا، بەو پێیەی کۆمەڵێک پڕۆژەی گەورە بە بەشداریتی کۆمپانیا نەوتییەکانی رووسیا بە سەرکەوتوویی جێبەجێ دەکرێن لەگەڵ و قەبارەی وەبەرهێنانی رووسیا لە کەرتی وزەی عێراقدا 19 ملیار دۆلاری تێپەڕاندووە.
بە گوێرەی ئاماران، لە ئێستادا نزیکەی 50 کۆمپانیای رووسی لە عێراق کاردەکەن، لەوانە کۆمپانیای لوک ئۆیڵ و گازپرۆم.