شەوى ڕابردوو، دوای بەدواداچوون و چاودێریکردن لەلایەن لیژنەی قائیمقامیەتی ناوەندی بە هەماهەگی پۆلیسی شارەوانی، پاڵاوگەک داخرا کە بە شێوەیەکی نایاسایی و شاراوە لە گۆڕەپانی فرۆشتنی نەوت و غاز کاری دەکرد و زەرەر و زیانێکی زۆری بۆ ژینگە و تەندروستی هاوڵاتییان هەبوو.
دوای داخستن و دەست بەسەرداگرتنی کەل و پەلەکانی شوێنەکە، (5) کەسیش دەستگیرکران و پەڕاوی لێکۆڵینەوەیان بۆ ڕێکخرا و ڕەوانەی بەردەستی دادوەری لێکۆڵینەوە کرا.