رێوڕەسمی ناساندنی یەکەمین ژمارەی گۆڤاری “دنیای چیرۆک” و پێشکەشکردنی قەڵغانی رێزلێنانی ماڵی رۆشەنگەریی بە کەمال سەعدی، خاوەنى گۆڤارەکە بەڕێوەچوو.
رێوڕەسمەکە ئێوارەى سێشەممە، بە ئامادەبوونى ئومێد خۆشناو، پارێزگارى هەولێر و ژمارەیەک لە نووسەر، ئەدیب، رۆژنامەنووس و رۆشنبیران، لە هۆڵى شەهید مەهدى خۆشناو، لە بارەگاى لقى هەولێرى یەکێتى نووسەرانى کورد بەڕێوەچوو.
پارێزگارى هەولێر، وێراى دەستخۆشى لە تیمى سەرپەرشتیار و دەستەی بەڕێوەبەردنی گۆڤارەکە، پیرۆزبایی لە خاوەنى گۆڤاری “دنیای چیرۆک” کرد و هیواى سەرکەوتنى بۆ خواست.