لە یارییەکانی پاڵاوتنی مۆندیالی 2026، هەڵبژاردەی عێراق لە دەرەوەی یاریگای خۆی ڕووبەڕووی هەڵبژاردەی فلیپین بویەوە.
لە ئەنجامدا عێراق گۆڵبارانی هەڵبژاردەی فلیپینی کرد و بە پێنج گۆڵی بێبەرامبەر شکستی پێهێنا.
هەر لە تایمی یەکەم و لە سەرەتادا، هەڵبژاردەی عێراق کۆنتڕۆڵی یاریەکە و یاریگای کرد، توانیان لەو تایمەدا سێ گۆڵ لەڕێگەی ئەیمەن حوسێن دوو گۆڵ و ئەمیر عەماری لە خولەکەکانی 14 و 30 و 37 تۆماربکات.
لە دووەم تایمدا، کوڕانی عێراق بەردەوامبوون لە پێشکەشکردنی ئاستە بەرزەکەیان و توانیان دوو گۆڵی تر لە رێگەی یاریزانان زیدان ئیقبال و زەید تەحسین خولەکەکانی 62 و 77 تۆماربکەن و یارییەکە هەر بەو ئەنجامە کۆتاییهات.
بەم سەرکەوتنە، هەڵبژاردەی عێراق بە کۆکردنەوەی 12 خاڵ لە پێشەنگی ڕیزبەندی کۆمەڵەکەیدا دێت و بەئاسانی گەیشتە قۆناغی داهاتوو.