بێڵ سکارێسگارد، ئەکتەری سویدی جارێکی دیکە بە ڕۆڵی مەهرەجە ترسناکەکە “پێنیوەیز” دەگەڕێتەوە، بەڵام ئەمجارە لە زنجیرەی “It: Welcome to Derry” کە بەرهەمی تۆڕی HBOیە.
زنجیرەکە دەگەڕێتەوە بۆ ڕابردوو و چیرۆکی دروستبوونی ئەم کەسایەتییە ترسناکە دەگێڕێتەوە. تیمێکی تایبەت کاریان لەسەر گۆڕینی شێوەی سکارێسگارد کردووە بۆ مەهرەجەکە، کە پرۆسەیەکی زۆر سەخت بووە.
دانانی ماکیاژ و لابردنی رۆژانە نزیکەی سێ بۆ چوار کاژێری خایاندووە. دەرهێنەری زنجیرەکە ستایشی ئارامیی سکارێسگاردی کردووە لە بەرگەرتنی ئەو ماوە زۆرەی ژووری ماکیاژ بۆ ئەوەی بە باشترین شێوە ئەو کارەکتەرە بەرجەستە بکاتەوە.