بەڕێوبەرایەتیی گشتی رۆشنبیری و هونەری هەولێر، لە رۆژی جیهانیی سەمادا، چالاکییەک سازدەکات و چەندین تابلۆی هونەری پێشکەش دەکرێن.
چالاکییەکە رۆژی چوارشەممە 29 نیسانی 2026 سازدەکرێت، تێیدا تیپی هونەرە میللییەكانی هەولێر و تیپەكانی “ئارمانج” و “هونەرە میللییەكانی سریانی” بەشدار دەبن و بەرهەمەکانیان پێشکەش دەکەن.
چالاکییەکە بە سپۆنسەری میدیایی تۆڕی میدیای كوردستانە، تێیدا سێ تابلۆی هونەری پێشکەش دەکرێن و سەما و هەڵپەڕكێی کوردستانی نمایش دەكەن کە گوزارشت لە پێکەوە ژیان و کولتوور و سرووشتی کوردستان دەکەن.
گرووپە میللییەکانی هەڵپەڕکێ هەرێمی کوردستان، لە چالاکییە جیا جیاکاندا بەشدار دەبن و لە ئاستی نێودەوڵەتیدا ئامادەبوونێکی بەهێزیان هەیە و براوەی چەندین خەڵاتی نێودەوڵەتین.