لە پارێزگای زیقاڕی باشووری عێراق دوو حاڵەتی نوێی تووشبوون بە تای خوێنبەربوون لە ماوەی 72 کاتژمێری ڕابردوودا تۆمارکران و تووشبووەکان خراونەتە ژێر چارەسەری پزیشکییەوە.
بەمەش کۆی گشتیی تووشبووان لەو پارێزگایەدا لەمساڵدا گەیشتە 110 کەس کە حەوت تووشبوویان گیانیان لەدەستداوە. لە ئێستاشدا تیمەکانی تەندروستی و ڤێتێرنەری لە هەوڵەکانیان بەردەوامن بۆ کۆنتڕۆڵکردنی ڕەوشەکە و ڕێگری لە بڵاوبوونەوەی زیاتری ڤایرۆسەکە.