ئه‌ڤرۆ ڕۆژا چوارشه‌مبی ١٤ی چریا ئێكێ یا ٢٠٢٦ێ ب ئاماده‌بونا به‌ڕێز”د.عه‌لی ته‌ته‌ر “پارێزگارێ دهوكێ و به‌رێزان” Adriaan IJsselstein” كۆنسۆڵێ گشتییێ هۆڵه‌ندا ل هه‌رێما كوردستانێ و ” و هژماره‌كا به‌رپرسێن داموده‌زگاییێن جودا,كارگه‌هه‌كا تایبه‌ت یا ڤه‌گه‌ڕاندنا پلاستیكی بو دوباره به‌رهه‌مئینانا چه‌ند كه‌ره‌ستێن جۆدا ل سنورێ ده‌ڤه‌ردارییا سێمێلێ ل ڕێڤه‌به‌رییا كارگه‌ها جوداكرنا به‌رمایكا ل كواشێ د چوارچوڤێ به‌ڕنامێ “SDLG”ژلایێ ڕێكخراوا “VNG international “ب هه‌ماهه‌نگی دگه‌له ڕێڤه‌به‌ریا گشتی یا باژێرڤانیان ل دهوكێ هاته ڤه‌كرن.
د كونگره‌كێ رۆژنامه‌ڤانیدا به‌ڕێزان پارێزگارێ دهوكێ و كۆنسۆلێ گشتییێ هۆڵه‌ندا و ڕێڤه‌به‌رێ گشتییێ یێ باژێرڤانییان و ڕێڤه‌به‌رێ و ڕێڤه‌به‌رێ پڕۆژێ ناڤبری به‌حس ل گرنگییا ڤێ كارگه‌هێ بو به‌رهه‌مئینانا به‌رهه‌مێن جودا و بهێزكرنا بارودوخێ ئابوری و ده‌لیڤێن كاری و باشتركرنا خزمه‌تگوزارییێن باژێرڤانییێ و پاراستنا ژینگه‌هێ كر و مفا وه‌رگرتنێ ژ به‌رمایكان كر و ده‌ستخوشی ل ڕێكخه‌رێن دانانا كارگه‌هێ هاته كرن.
د چوارچوڤێ ڤه‌كرنا كارگه‌ها ناڤبری دا ئاماده‌بویان سه‌را كارگه‌ها چێكرنا كۆمپوستی دا كو ئێكه ژ كارگه‌هێن گرنگێن پارێزگه‌ها دهوكێ بو پاقژڕاگرتنا ژینگه‌هێ و مفا وه‌رگرتنێ ژ پاشماوێن كه‌سكاتی و هشك و چێكرنا كۆمپوسته‌كێ باش بۆ پێکهاتەکا دەوڵەمەندا ئاخێ و كه‌رتێ چاندنێ.