یانەی ڕیاڵ مەدرید بۆ وەرزی داهاتوو پلانی گۆڕانکاری گەورە لە پێکهاتەکەیدا دادەڕێژێت و دەیەوێت بە شێوازێکی نوێ بگەڕێتەوە بۆ بەدەستهێنانی نازناوەکان.
بۆ ئەم مەبەستەش بەرپرسانی یانەکە پێنج یاریزانیان وەک هێڵی سوور و بناغەی پڕۆژەی داهاتوو دیاریکردووە کە بریتین لە تیبۆ کۆرتوا و کیلیان مباپێ و ئەلیکساندەر ئارنۆڵد و ئاردا گولەر لەگەڵ جود بێلینگهام و بڕیاردراوە بە هیچ شێوەیەک و بەرامبەر هیچ بڕە پارەیەک دەستبەرداریان نەبن.
لە هەمان کاتدا ئەوەی جێگەی سەرنجە ناوی ڤینیسیۆس جۆنیۆر لە لیستی یاریزانە پارێزراوەکاندا نابینرێت و ئەمەش ئاماژەیە بۆ ئەوەی یانە شاهانەکە دەرگای بۆ فرۆشتنی ئەو ئەستێرە بەڕازیلییە کراوە هێشتووەتەوە.
بەتایبەت کە ئاستی لەم وەرزەدا دابەزینی بەخۆوە بینیوە و تەنها یەک ساڵیش لە گرێبەستەکەی ماوە بۆیە لە ئەگەری گەیشتنی ئۆفەرێکی گرانبەها ئەگەر هەیە ڕیاڵ مەدرید ڕەزامەندی لەسەر ڕۆشتنی نیشان بدات.