بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند؛ ئەمڕۆ چوارشەممە 10-06-2026، ئاسمان لە زۆربەی کاتەکاندا ساماڵ دەبێت. پلەکانی گەرما بەراورد بە تۆمارکراوەکانی دوێنێ کەمێک بەرزتر دەبنەوە، خێرایی با لەسەرخۆ بۆ مامناوەند دەبێت (10-20) کم/ک و ئاراستەکەشی لە گۆڕاندا دەبێت، هەروەها مەودای بینین لە نێوان (8-10) کم دەبێت.
پەیوەست بەمەشەوە کەشی سبەی پێنجشەممە 11-06-2026، ئاسمان لە زۆربەی کاتەکاندا بە ساماڵی دەمێنێتەوە؛ پلەکانی گەرماش بە (1 بۆ 2) پلەی سیلیزی بەراورد بە تۆمارکراوەکانی ئەمڕۆ بەرزتر دەبنەوە. خێرایی با لەسەرخۆ بۆ مامناوەند دەبێت (10-20) کم/ک بە ئاراستەیەکی گۆڕاو و مەودای بینین لە نێوان (8-10) کم دەبێت.
بەرزترین پلەکانی گەرمای پێشبینیکراو بۆ ئەمڕۆ و سبەی:
هەولێر ئەمڕۆ 39 سبەی 41
سلێمانی ئەمڕۆ 37 سبەی 38
دهۆک ئەمڕۆ 39 سبەی 40
زاخۆ ئەمڕۆ 40 سبەی 40
چەمچەماڵ ئەمڕۆ 39 سبەی 40
پیرمام ئەمڕۆ 36 سبەی 37