لە بەڕێوەبەرایەتىی گشتىی رۆشنبیری و هونەرى سلێمانى، رێز لە هەوڵ و کارەکانى فۆتۆگرافەران ناسیح عەلى خەیات، هاوکار ئەیوب رەزا و بەختیار عەلى گیرا.
رێزلێنانەکە رۆژی سێشەممە، بە ئامادەبوونى د. موحسین ئەدیب، بەڕێوەبەرى گشتى بەڕێوەبەرایەتىی رۆشنبیری و هونەرى سلێمانى و محەممەد کوردۆ، یاریدەدەرى بەڕێوەبەر و جەمال ساڵح، سەرۆکی کۆمەڵەی وێنەگرانی کوردستان و نیاز نورى، نەقیبى سەندیکاى هونەرمەندانى کوردستان و سەفین ئەنوەر، سەرۆکى لقى سلێمانى سەندیکاى هونەرمەندان، ئەنجامدرا.
د. موحسین ئەدیب، لەبارەى خەڵاتى رێزلێنانەکەوە، بۆ ئەو فۆتۆگرافەرانە نوسیویەتى: ئێوە توانیوتانە بەردەوام و لە رێگەى کارى میدیایی و چاوى کامێراکانتانەوە، رەسەنایەتى سروشت و سیماى پڕ لە چیرۆکى خەڵکى کوردستان، بە شێوازێکى هونەرییانەى بەرز تۆمار بکەن، لە پاى ئەو خەمخۆرییەتان، بەڕێوەبەرایەتى رۆشنبیری و هونەرى سلێمانى، بە شانازییەوە رێزلێناتنان پێشکەش دەکات.
پاشان خەڵاتەکە لەلایەن هەریەک لە د. موحسین ئەدیب و محەممەد کوردۆ و جەمال ساڵح، پێشکەشى هەرسێ فۆتۆگرافەرەکە کران.